Unsa may gibasihan ni Janet Lim Napoles sa iyang paglista sa na-involved konohay sa pork barrel scam? Dili na ba ma-question ang iyang mga ebidensiya, kun duna man, kun i-submit na kini ngadto sa department o kun tukion na sa Ombudsman? Ug nganong gipaagi pa man ni sa lista-lista … nganong waa man ni ideritso ngadto sa Ombudsman, aron ang mga nalambigit adto na manubag sa korte? Ug waa na gani kinahanglana ang Senate investigation.
Karon, unsay nahitabo … daghang speculation. Nahadlok pa si Ping Lacson tingali’g mo-collapse ang Kongreso, ug kuyaw mag-revolution ang katawhan.
In the meantime, nag-fiesta ang media. All of a sudden ang taga-media nahimong mga prosecutor ug mga judges. Ang nalista tua na manubag sa media. Denial dinhi, denial didto, as if inig-deny nila, acquitted na sila. Unya, mora na hinoon og nahimong hero si Napoles. Ang attention sa tibuok nasud, anaa na ma-focus kaniya, as if siya ang bugtong naghupot sa truth … sa kamatuoran. Ang kuyaw ini, tingali’g dili na hinoon siya kasohan, ug himoong state witness. Ang mga whistleblower, duna say kaugalingong mga lista…. nakadugang sa kalibog. Kinsa may atong tuohan nila? Kun motuo ta, guilty na sila? Waa na kinahanglana ang Ombudsman? Unya, di man ta pareha sa ubang mga nasud, nga daku o gamay nga anomaliya, mang-resign dayon ang mga hingtungdan … kita dinhi, bisag unsa ka daku sa anomaliya, pugong tamas ginhawa, panggunit sa lingkoranan, aron dili mapalagpot.
Sa atong nasud, to prove one’s guilt will take years. Mao man gani nga sa mga election protests pananglitan, mao pay ideklarar nga midaug ang miprotesta tapus sa tulo ka tuig nga termino … o mga usa o tulo ka semana una mapupos ang term. Justice delayed, o no justice at all? Unya, dugang niining tanan, laing nakasapi, mao kono ang mga ahente, nag-broker tali ni Napoles ug sa mga buhatan sa mga magbabalaud nga nalambigit sa scam. Sa mga mantalaan, miabot kono’g P100 million ang nasakiyo ning maong mga ahente. Ka daghan ining kwartaha … pila na kahay natukod ini nga mga tunghaan sa mga biktima ni Yolanda? Lupig kaayo ang mga ahente sa yuta.
* * *
Niay maayong balita … mas maayo kay sa issue sa pork barrel. Hinoon, ang maayong balita dinhi sa atong nasud, di man isipon nga balita. Ang good news alang kanato is not news at all. Maoy hinungdan nga dili gyud mo-land sa front pages, dili ma-banner headline. Between sa gi-hold up nga taxi driver ug sa 10 milyones pesos nga gi-donate itukod og usa ka lawak tunghaan, mas ma-headline ang pag-hold up kay sa classroom nga tukoron. Mao ni ang atong appreciation unsa ang news.
Anyway, giingon dinhi nga adunay mga manufacturing companies, nga nag-operate sa China ug sa kanasuran sa Southeast Asia, ang naglaraw nga mo-relocate nganhi sa Pilipinas, gumikan sa “high quality labor†sa atong nasud. Kini sumala sa Foreign Buyers Association of the Philippines. Di ba good news ni? Nganong waa man ka kahibawo ini?