Baba ug ngipon

Temang nalambigit niini: Kausaban, paghamtong

Adunay mga higayon nga ang tawo nagdamgo nga kuno  naibot ang iyang ngipon o napangag siya. Kasagaran ang pagtuo mao nga dunay mamatay nga sakop sa pamilya. Apan ang tinuod mao nga ang maong damgo timailhan lamang sa usa ka pagbati o reaksiyon sa mga isyu kalabot sa katigulangon. Kabahin kini sa anxiety dream diin ang hingtungdan ang bation og kahingawa nga niabot na ang takna sa iyang lawas nga nagkaluya. Ang angayan nga himoon mao nga ang tawo mas maayo gyud nga moatubang ug modawat sa iyang kahimtang ug nga maghunahuna nga bisan diha sa katigulangon mamahimo gihapon siyang magmabungahon.