Mr. Barangay

BRGY CARRETA, CEBU CITY

“Diri sa Chinese cemetery Sir kay naa gihapoy mga magbarogbarog nga snatchers unya naa baya konsehal sa barangay nga nagpuyo diri sa duol pero wala man gyod kabadlong aning mga tawhana.”

BRGY ZARAGOSA, ALOGUINSAN, CEBU

“Daghan mang ma loose firearms diri sa among lugar wala man ni masumpo maoy rason nga daghan nang gipamusil diri nga way kasulbaran, maayo unta’g molihok na ang PNP ani.”

BRGY BUAYA, LAPU-LAPU CITY

“Grabe na kadaghan sa mga tigamitan og illegal nga drugas sa among lugar Sir unya among mga opisyal sa barangay way aksyon, mas maayo tingaling ipaubos sa drug test ning mga opisyal sa barangay kay makaduda kaayo ang wa nila’y aksyon ani.”

BRGY LIKI, BALAMBAN, CEBU

“Guba man kaayo ang among karsada diri unya wala’y pakabana ang among brgy officials bahin niini unya ang mga sand haulers sad dili man ayuhon og trabaho kay mas midaghan ang nadisgrasyang mga motor kay misamot kabati ang agianan.”

BRGY CABADIANGAN, COMPOSTELA, CEBU

“Estrikto kaayo ang among barangay sa clean and green pero wala sila kabadlong aning piggery diri nga pwerteng bahua unya wala pa gyu’y septic tank, ang municipal health office namo way aksyon.”

BRGY LAWAAN, TALISAY CITY

“Amo lang unta ipasusi diri sa among lugar kay naay mga driver diri nga kusog kaayo mopadagan mura’g pirmeng gigukod daghan na ra ba nadisgrasya nga tawo tungod aning mga badlungong driver.”

BRGY CAMBARO, MANDAUE CITY

“Sir Jun nagkagrabe na gyod ang sinuyopay og shabu diri sa sitio Agbate wala man gyud ni sila mabadlong sa mga polis ug mga opisyal namo sa barangay kuyawan mi basin mosamot kadaghan ang mga adik diri.”

BRGY BANGBANG, CORDOVA, CEBU

“Ngano man ning mga barangay aid diri sa among lugar nga kusog man kaayo manilhig sa karsada pero kun ilang mahibaw-an nga kontra partido ang nagpuyo sa usa ka lugar dili iapil og limpyo ang tugkaran.”

BRGY UMAPAD, MANDAUE CITY

“Palihog ko’g pabadlong aning mga tricycle diri nga way mga franchise nga nagbiyahe padung diri ug sa Opao kay abusado man kaayo unya kaming kumpleto’g papeles maamong ani nila.”

BRGY BABAG, LAPU-LAPU CITY

“Sa sitio Timpolok kay naproblema gyud mi aning mga batan-on nga mag skateboard matag gabii kay nakahasol kaayo namong mga turista kuyawan mi makaigo nila kay pataka lang padagan sa karsada.”

Alang sa inyong mga reklamo text lang sa 09071678643