Nganong daghan ang mahagbong sa bar exam?

Sa kadaghang mokuha sa bar exam diyotay ra kaayo ang makapasar. Maglabi ang mahagbong. Adunay uban nagbalik-balik hangtod katulo ka bar apan hagbong gihapon. Ngano man? Usa sa hinungdan mao nga dili mabasa ang agi sa usa ka examinee o kaha sa kalisod gyud sa bar exam nga ihatag sa Korte Suprema.

Sa 5,000 kapin ka examinees sa gipahigayong bar exam sa miaging tuig, kapin lang sa usa ka libo (1,000) ang nakapasar. Daghan ang nangamote, sa laktod wala’y suwerte.

Sa pagdeterminar sa grado ang matag subject (kun way kausaban) gihatagan og porsiyento nga mao kining mosunod: Political and International Law, 15 porsiyento; Labor and Social Legislation, 10 porsiyento; Civil Law, 15 porsiyento; Taxation, 10 porsiyento; Mercantile Law, 15 porsiyento; Criminal Law, 10 porsiyento; Remedial Law, 20 porsiyento; and Legal Ethics and Practical Exercises, 5 porsiyento nga ang suma total 100 porsiyento. Ang passing grade nga gihatag sa Korte Suprema gipakubsan gikan sa 75 ngadto na sa 70 porsiyento.

Usa sa mga topnotcher sa miaging bar exam naggikan sa University of Cebu nga si Atty. Manuel Elijah Sarausad. Gihatagan siya og brand new nga sakyanan sa maong eskuylahan.

Usa sa mga pioneer nga Law Professor sa maong unibersidad mao si Mlban. Adelino B. Sitoy, nga karon mayor sa lungsod sa Cordova.

Ang unang bar exam nahitabo kaniadtong 1901 diin 13 lamang ang examinees.