Singing motorist

Kinaiya sa usa ka kaila tang medical doctor (ngalan gipugngan tungod sa hangyo) ang magkanta og kusog sud sa iyang awto kun heavy ang traffic ug snail-pace ang lihok sa mga sakyanan.

* * *

Dihay kausa nga nikanta siya og kusog “to shake off some stress in my system” atol sa heavy kaayo nga traffic sa may dan Escario. Giduol siya og usa ka tawo nga nagpaka- traffic enforcer ug gikasab-an.

* * *

Matud sa doktor nga nasuko ang enforcer dihang mirason siya nga iyang batasan ang pagkanta-kanta sud sa iyang kotse kun heavy traffic ug hinay-hinay ang dagan sa mga sakyanan. “Gihadlok ko og traffic violation ticket,” matud sa doktor kinsa nagpangidaron og 68 anyos.

* * *

Matud sa maong doktor didto sa Japan diin siya nakatrabaho isip surgeon sa usa ka ospital, gi-encourage sa health ug medical experts ang mga motorista sa pagkanta-kanta kun heavy ang traffic. “Aron mawa ang stressful moments,” suma pa niya.

* * *

Dihay mga mokanta-operatic, diha man gani usa ka drayber sa oil tanker nga mikanta og pina-Caruso, matud niya. Apan dinhi sa ato dakpon.

* * *

SA LAING BAHIN .... Maayong i-encourage sad sa traffic authorities dinhi sa ato ang pagkanta-kanta sa mga motorist atol sa heavy traffic labi na kun nag-jam ang mga sakyanan. Kini suhestiyon sa medical doctor. Makaayo sa panglawas sa mga drayber ... Daghang salamat sa mga Banat News readers sa mga tindera ug tindero sa mga sari-sari store diha sa T. Padilla St.