Pamalandong sa kuwaresma (Part 1)

God is good. God is a good provider. Taas kaayo ang kahigayonan nga gitanyag sa Ginoo kanato aron magbag-o ta sa atong kinabuhi. Ang maong kahigayonan giladlad diha sa matahom nga panagway sa Holy Trinity. Ang God the Father, God the Son and God the Holy Spirit.

Dihang gipalayas silang Eba ug Adan sa paraiso human kan-a ang gidiling bunga, naghimo gyud ang Diyos nga Amahan og kalibotan aron paghatag og tsans sa mga kaliwat nilang Eba’g Adan sa pagpili: “Muadto ba sila sa Langit, sa dapit nga gibiyaan sa unang makasasalang ginikanan, o magpabuhong sa kalibotanong bahandi? Apan unsay gipili sa tawo? Ang pagpakasala!

But God is so good and so love. Dihang iyang nakita ang katawhan nga naglunang sa sala, mikanaog Siya sa Langit ug nagpakatawo sa ulay’ng sabakan ni Birhen Maria, diin usa ray Iyang tuyo: Ang pagsalbar natong mga makasasala. Nagpakatawo Siya aron sa personal makita Siya sa katawhan, mahikap, ma-estorya ug magakos aron kita mahibalik sa paraiso nga gitalikdan nilang Eba’g Adan. Apan unsay atong gipili? Ang pagpakasala!

Ug kay pinangga man gyud sa Ginoo, di man Siya makatugot nga may karnerong mahimulag Kaniya, dihang nakita Niya nga naglangoy na gyud sa kasal-anan ang katawhan, nagpasakit Siya, Iyang gipas-an ang Krus ug nagpalansang, diin ang tumong usa ra: Aron kitang tanan nga nahimula’g Kaniya, maluwas! Apan unsa bay gipili sa tawo? Ang pagpakasala!

Apan God is so good. Nga bisa’g gilansang na Siya sa balabag, bisa’g dili na Siya makagakos sa Iyang mga minahal nga makasasala, bisan dili na Siya makalakaw sa pagpangita sa pinangga niyang mga karnerong nawala, ginamit ang kataposang kusog sa Iyang Tingog, Siya misiyagit: “Kun hain man kamo akong mga pinangga nga nahisalaag, kutob sa maabot ning kataposan kong pulong, isulti lang ang I’m sorry, Lord, nga hinukad gikan sa inyong kasingkasing. Ug kamo, mapasaylo! Kay mao ni akong gianhi sa kalibotan. Pag-ula sa akong dugo ug pagbuhis sa akong kinabuhi aron kamo maluwas.” Pagka-nindot nga offer. Offer nga di maayong palabyon. Offer nga angay’ng tan-ogan ilawom sa atong   dughan. Ug may midawat ba niini?