Bata gikiha’g murder

Samtang ang kadaghanan sa mga batang nagpangidaron pa og siyam ka buwan nagtuon pa og kamang-kamang, si Baby Mohammad Musa didto sa Pakistan gikiha na og murder.

* * *

Kini suma sa Agence France Presse kinsa mipagawas og hulagway diin gipakita nga ang siyam pa ka buwan nga bata gikuhaan og fingerprints sa kapolisan, usa kini kahatagan og piyansa.

* * *

Sumala sa balita si Baby Mohammad gisumbong og attempted murder kay  nanglabay og bato. Maka-imagine ka giunsa sa siyam ka buwan nga bata ang paglabay og bato?

* * *

Nagsigi og hilak ang bata samtang gihikay ang dokumento kalabot sa sumbong batok kaniya ug nahilum kini dihang gipatotoy sa iyang beberon samtang gikugos sa amahan.

* * *

Mga legal experts dili lang sa Pakistan kundili usab sa uban nasud nakaingon nga dili lang makapaisa og kilay kining balaud sa Pakistan kundili makapakatawa usab. Bisan dinhi sa Pinas diin daghang misaway sa atong justice system wa pa kita makadungog nga dunay batang  siyam pa ka buwan ang edad nga gikiha og murder.

* * *

SA LAING BAHIN ... Magpasalamat na sad kita sa mga newsdealers nga mihatag og suporta sa Banat News ug sa mga newsboys nga kugihang makasuroy sa atong mantalaan.