Giingon diri nga sa 100 ka Pinay nga gipangutana kun sa ilang hunahuna guwapa o maanyag sila, pito ra ang miangkon nga sila maanyag.
* * *
Matud pa sa usa ka eksperto, may pagkatinuod kini. Primero, ang Pinay kasagaran manggiuwawon. Bisan ang samin mimatuod nga sila guwapa, mamalibad pa kay mauwaw moangkon. Ikaduha, kinaiya sa Pinay ang pagka-humble.
* * *
“Kun tinuod man nga pito ra sa 100 ang miangkon nga sila guwapa, kini mipakita ra nga ang nahibiling 93 mapainubsanon,†matud pa ni Ma’am Rose Leonides, psychology professor. “Ang tinuod nga dili sila bati’g nawong,†puno pa ni Ma’am Leonides.
* * *
Pero naay daghang Pinay nga matud pa ni Ma’am Leonides “mo-assert gayud nga sila guwapa ug ang sampol niini mao kadtong daghang mangapil sa beauty contest kinsa nagtuo gayud nga sila maanyag.â€
* * *
Kahinumdoman nga dihay usa ka higayon nga duha ka starlet sa pelikula nag-away sa movie studio nga ilang gitrabahuan tungod lang kay ang usa kanila misulti nga ginganlan kuno siyang “maganda†sa usa ka tabloid columnist. Nasuko ang usa ka starlet ug nagtinubagay.
* * *
Ang kaguwapa sa babaye naa ra sa mga mata nga nagsud-ong kaniya. Sa iningles pa: “Beauty is in the eyes of the beholder.â€
* * *
SA LAING BAHIN... Salamat ngadto ni Berting nga taxi drayber nga masuko sa newsboy kun hatagan siya og mantalaan nga dili Banat News. Kini suma ra sad ni Berting... Greetings sa atong mga higalang tindera diha sa T. Padilla public market. Salamat sa inyong pagpili sa Banat News.