Ang atong gipaabot nga mahitabo sa North Korea nahitabo na gyud. Gipugos na ang mga batan-ong lalaki – ang mga estudyante– sa pagpatupi sama sa tinupihan ni North Korean leader Kim Jong-un.
* * *
Ang maong tinupihan kon hairstyle patented ra gyud na ni Kim Jong-un. Ang mga estudyante wa ganahi apan kinahanglan gyud nga ilang sundon.
* * *
Ang maong hairstyle bisan si Asi Taulava wa ganahing mosunod. Gihawanan ang isigka kilid sa ulo ug gibilin ang taas nga buhok sa taliwa sa ulo.
* * *
Ang gobiyerno sa North Korea adunay gitawag nila nga “Fashion Police†nga maoy mopasunod sa fashion nga gidiktar sa kagamhanan. Sama sa pamiste sa lalaki ug babaye nga estudyante.
* * *
Ang tanang karsones sa mga lalaking estudyante kinahanglan blue kon asul. Gidili sa mga babaye ang above-the- knee skirts. Kinahanglan nga ang tanang estudyante modispli gyud og lapel pins nga dunay nawong Kim II-sung ug iyang anak nga si Kim Jong-un.
* * *
Ang “Fashion Police†estriktong mipasunod sa tanang kamanduan kabahin sa pamiste, hairdo sa babaye ug haircut sa lalaki.
* **
SA LAING BAHIN... Dinhi sa ato nagkagamay na lang kuno ang gidaghanon sa mga barbero. Daghan nang nagpa-abroad diin maayo kuno ang kita...Daghang salamat sa atong mga magbabasa diha sa Taboan ug mga kasikbit nga dapit.