Ang mga walhon nga kahugpongan dinhi sa nasud kusganong misaway sa mga militar nga malampusong midakop sa magtiayong Benito ug Wilma Tiamzon, mga dagko’ng lider sa Communist Party of the Philippines (CPP).
Si Benito maoy giila nga tsirman sa CPP samtang ang iyang asawa nga si Wilma maoy secretary general. Nadakpan ang magtiayon uban sa lima nila ka kauban didto sa kabukiran sa Barangay Zaragoza, Aloguinsan kaniadtong Sabado sa gabii. Mikisaw dayon ang ilang mga higala nga lider og kahugpongan pinaagi sa pagsaway sa militar kay kalapasan kuno sa kasabotan ang pagdakop nila ni Tiamzon.
Kabahin kuno sila si Tiamzon sa Negotiating Panel sa CPP nga nakigsabot-sabot sa kadagkoan sa kagamhanan alang sa malinawon nga negosasyon aron pagkab-ot og kalinaw ug ubos sila sa “immunity†nga dili sila angay’ng dakpon. Gibarogan usab sa militar nga makatarunganon ang pagdakop nila sa magtiayong Tiamzon kay gibasi kini sa kamandoan sa hukmanan tungod sa kaso’ng multiple murder ug multiple frustrated murder nga ilang giatubang.
Unsa man diay himoon sa militar nga magkyugpos lang sa ilang mga bukton ug dili dakpon ang magtiayong Tiamzon? Nagustohan ba diay sa mga higala nila ni Tiamzon ang gihimo sa mga tinugyanan sa balaod nga ang ilang kontra nga si kanhi Heneral Jovito Palparan wala g’yud lutosa ug hangtod karon wala pa madakpi?
Nakagusto ba diay ang mga higala nila ni Tiamzon sa gihimo sa mga polis nga wala maninguha aron madakpan si cult lider Ruben Ecleo?