Mr Barangay

BRGY SAMBAG 1, CEBU CITY

“Diri sa may sapa Sir naa diri ang mastermind aning pamaligya’g shabu diri sa among barangay kasagaran sa ilang mga customer mga estudyante pa luoy kaayo ang mga ginikanan nga nagpa-eskuwela nila.”

BRGY TAYUD, LILOAN, CEBU

“Nagkagrabe na ang shabu diri sa sitio Mangga sir Jun kasagaran sa ilang mga parokyano diri kay mga driver sa tricycle unya naa say mga video karrera diri pero wala gyud ni aksyoni sa mga opisyal sa barangay.”

BRGY BASAK, LAPU-LAPU CITY

“Magpatabang unta mi Sir kay kami mga manindahay daplin sa karsada gipangdakop man hasta among mga tinda gipangkarga pero wala sila makadakop aning mga namaligya’g shabu.”

BRGY GUIZO, MANDAUE CITY

“Ang problema namo diri Sir kay ang mga basura nagtapok sa dalan kay dili kolektahon sa way pakabana among mga opisyal sa barangay baho na gyod kaayo.”

BRGY PALIAN, CARMEN, BOHOL

“Unsa man ning mga incharge sa 4p's diri sa among lugar labi na sa sitio Deeker kay ila ra man kadugo ang gipanglista bisa’g naa pay daghan diri mga pobre kaayo pero wala i-apil kay giseguro og apil ilang kadugo.”

BRGY KANGKAIBE, BANTAYAN, CEBU

“Moreklamo lang unta mi aning piggery duol sa among mga pinuy-anan luoy kaayo mi diri kay baho kaayo dili nami ganahan mokaon, naa na man unta mi petition ani pero wala man gyod tagda sa among kapitan sa barangay ngano kaha?”

BRGY DAKIT, BOGO CITY

Naunsa man ning karsada diri Sir gikan sa Guadalupe padung diri sa among lugar kay puwerte namang gubaa, wala man gyud atimana sa among mga opisyales diri.”

BRGY DULJO-FATIMA, CEBU CITY

“Diri sa B Aranas extention kay ang agianan sa mga tawo nga sidewalk kay mga kahoy ug bapols na man ang gipamutang giguba na man unta ni sa una pero gibalik man sad gihapon wala sad miaksyon ang mga opisyal sa barangay.”

BRGY BASAK, CEBU CITY

“Nagbaha man ang shabu diri labi na sa kalubihan redruds wala man gyu’y nakaako sa pagsumpo aning problemaha hasta mga polis walay gihimong aksyon nga unta klaro na man kaayo ning illegal nga kalihukan diri.”

BRGY MATAB-ANG, TOLEDO CITY

“Kining mga namaligya’g shabu diri wala man gyud ni masikop sa mga polis, naa nay mga gihimong raid ang kapolisan pero naa pa man gihapon ang problema, nagduda na hinuon mi nga naa gyod polis nga nagpaluyo aning illegal druga diri.”

BRGY LAGUNDE, OSLOB, CEBU

“Naunsa na man ning among mga opisyales sa barangay nga wala man gyud kabadlong sa mga mananagat gikan sa laing lugar kay kami intawon nga taga diri dili na kapanagat kay giseguro ang taga laing dapit nga dili maoy nakapadaog nila.”

Alang sa inyong nga reklamo text lang sa 09071678643