APOHAN

Temang Nalambigit:Katigulangon, Paghamtong

Ang tigulang simbolo sa kinaadman ug kasinatian. Ang maong damgo mahitungod sa usa ka tigulang ang nipahinumdom kanato sa atong tinguha nga mamahimong hamtong diha sa panghunahuna ug pamatasan.

Sa laing bahin, mahimong ang maong damgo ang buot mopukaw sa atong kahadlok sa kamatuoran sa katigulangon diin kuyog niini ang kahadlok sa magkaluyang panglawas diin apil na pud niini ang kahadlok sa posibilidad sa kamatayon. Ang mas maayong himoon ang pagdawat sa kamatuoran nga ang matag tawo moabot sa katigulangon.

Hangupon kini uban ang pagtuo nga dunay mas nindot gihapon nga mahitabo sa atong kinabuhi diha sa atong katigulangon mismo.Dili lang kini mahitungod sa isyu kalabot sa generativity batok stagnation. Kun dili himuon ang katigulangon nga kahimanan gihapon sa pagkamamugnaon.