Aron di ma-allergy

Kun ang hangin anaa gyud sa palibot mo, unya sa imong pamati dili ka ganahan, mora’g gil-asan ka, kini maoy unang tilimad-on nga may mga allergy kang antuson. Apan ayaw kabalaka kay wa ikaw mag-inusara kay komon nga sakit kini sa lawas. Usahay hilantan ka kun allergic ka sa pollen. Apan mahimong problema kini sa tanang panahon kun allergic ka sa abog, yamog ug bunhok.

Kun kining mga gagmay nga allergies mada sa hangin ug mahingos mo,mosangpot nga subawan ka, kay nanghubag ang mga sinus. Moresulta kini nga magping-ot, mangatse, mangatol ang ilong, ubhon ug sakit ang tutonlan. Lisud sumpuon kining mga gagmay nga di mo makita apan di ni imposible. Aniay mga tips o paagi nga makontrol ang mga allergies mo….

(1) Gamita ang init sa adlaw– mga gagmay o pinong insekto nga naa magpuyo sa hapin sa kama, carpets ug mattresses. Motapot nga mogimok ang abog sa patay selyula sa panit nato, nga maoy maka-allergy. Sa higayon mag-ilis ka’g hapin o mag-vacuum cleaning, moalibwag ni sa hangin sud sa 30 mins. Nga kun mahingos, inanay moatse moping-ot ug ubhon ka tungod sa reaksyon sa allergy. Sa pagtuon sa Australia, ibuwad lang ang hapin o bedding sa init sa adlaw sud sa 4 ka oras, 100% kining mangamatay apil hasta ang mga itlog ini.

(2) Sulaye ang tannic acid – ang bagang hapin sa sawog, sama sa rugs o carpets, di madag buwad sa adlaw. Busa gamiti’g tannic acid solution, epektibo kini nga 92% momenus ang bunhok, ang insekto nga sa hapin  di mo makita.

(3) Sul-ob og dust mask – aron makontrol ang paghingos sa mga abog.

(4) Kaligo dayon - human sa mga aktibidad sa tugkaran aron matangtang kadtong nanapot nga abog o pollen gikan sa mga tanom o punoang kahoy.

(5) Pundahe ang unlan hasta hapin sa kama nga permi limpyo.

(6) Sirado permi ilabi na sa gabii ang bentana sa kuwartong katulganan.

(7)Mas maayo mag-aircon kay sirado, hayahay kondisyon ang temperatura.

(8)Igawas ang mga pinanggang mananap – ang abog gikan sa patay nga selyula sa panit sa mananap o ang mga lusa sa balhibo maka-allergy sab.

(9) Permi paspasan o limpyohan ang mga window blinds ug chandeliers.

(10) Ayaw gamita nang aerosol spray kay sagad makairita kini sa ilong.