Congrats sa INC

Akong gi-congratulate si Engr. Ed Batiquin ug  mga kauban niya  nga  gi-absuwelto sa kaso nga  falsification of public documents.

Human sila ikiha sa People of the Philippines sa mga  sayong bahin sa 1990 gumikan sa gisukod ni Engr. Batiquin nga lote didto  sa eskina sa Gorordo Ave. ug Visayas Ave. Cebu City nga ubos sa Banilad Friar Land Estate nga  may  gidak-on nga kapin kon  kulang 200 metro kuwadrado.

Hinuon kaniadtong Pebrero 5, 2014 pa ipakanaog sa Sandiganbayan ang desisyon sa pagka-absuwelto ni Engr. Batiquin, kinsa usa ka lisensyadong Geodetic Engineer  ug  sa  mga  kauban niyang 17 ka  respondent nga  trabahante sa Department of Planning and Development  sa City Hall ug  sa DENR.

Ang desisyon sa  pagka-absuwelto nila pirmado  ni Associate Justice Alexander G. Cesmundo, ug gi-atestahan ni Presiding Justice Amparo M. Cabitaje-Tang, tanan sa Sandiganbayan. So usbon ko, congrats to Engr. Ed ug kaubanan.

* * *

P13 ray gitugot sa Regional Tripartite Wages and Productivity Board (RTWPB) nga umento  sa cost of living allowance (COLA) sa mga  trabahanteng pribado  sa Central Visayas.

Kini human sa makuti  nga  debati tali sa mga representanti sa tagdumala ug sa mamumuo nga  gikuymihan sa mga representanti sa DOLE, DTI, ug NEDA.

Hinuon  tungod  kay  sila  ang  may katungod  nga mohusga  sa  mga  gipresentar  nga  “facts” kon kamatuoran  bahin  sa kahimtang  sa mga negosyante ug sa trabahante, aw unsa pa may dag-anan sa  mga  mamumuo  kun  sa katapusang  ruyda  sa ilang  kombati, P13 ray naabot  nga  umento.

* * *

Daghan ang nagduda  nga molansar sa pagka-presidente  sa nasud  si kanhi senador Ping Lacson sa umaabot  nga election. Hinuon, nasuta na  siya  sa iyang  katakus  ug  abilidad ug nagtuo  ang  kadaghanan  nga may  mga  supporter  na  siya, sama  usab  tingale  sa ubang naglaraw  nga  molansar  sa maong  posisyon.

Apan layo pa ang  piniliay  ug  daghan  pa  ang  mahitabo  sulod  sa mga  tuig  nga magpaabot  pa  ang tanan  sa sunod election.

* * *

Congrats sa tanang membro sa Iglesia ni Cristo  nga  milampos  sa ilang World Walk for Yolanda  niadtong  Sabado.

Ang ilang  panaghiusa nadayag  bisan  sa tibuok kalibotan, so  congrats sa tanan.