EDITORYAL - Daghang uyon daghan usab ang supak

Daghan kunong  mga  magbabalaod nga uyon ug daghan usab  ang  misupak nga himoong balaod ang pagdili sa pabuto.

Ang mga misupak niini  mao  kadtong  nakadawat og suborno  gikan  sa  mga  negosyante nga  tigpabrika niining pabuto aron  moburot ang  ilang  tiyan  sa kadaghang  kuwarta.

Hinuon  kun  imong himoong  balaod  ang pagdili  sa pabuto  maayo  man apan  ang tawo  nga gustong  maghikog di nimo kapugngan.

Lami man gud buhaton  ang idili  busa  bisan  pa  kun  may balaod  na  batok  sa pabuto, di gihapon  mosaler  ang maong  panukdanan.

Kini tungod kay  ang  Pilipinas  usa  ka nasud  sa daghang  ambisyuso, wa masibilisar pag-ayo  ug  sa laktud daghan  kaayo  ang  barumbado.

Busa  kun  ang usa  ka Filipino  anaa  ka  mahisakop  sa maong  negatibo  nga  kinaiya  sa tawo, ikaw  ang usa  sa mosupak  sa balaod.

Kini tungod  kay alang  kanimo mas maayo ang pabuto  kay aron kuno mahadlok  si  Satanas.

Apan wa nimo huna-hunaa  nga  ang  tawong  barumbado maoy  opisyal ni  Satanas  aron daghang mamatay, ug  mainutil.

Sama  ra  sa tawong  drug lord, tulisan, kawatan, mangingilad, tigpabuto,  dinamitiro, ug kriminal  ang  mga  tawong mosupak  nga  himoong  balaod  ang  pabuto.