Bag-ong Tuig na pod!

Gumikan sa kadaghan nang lingaw ning kalibutan nga waa sa among panahon, mora’g kusog na kaayo ang lanat sa panahon. Mora’g mas kusog nang andar sa relo nga dili na ta makabantay sa pagsubang ug pagsawop sa adlaw. Mokalit la’g buntag, unya, di ta kamatikod mo-hapon dayon, ug ang kagabhion mokilab lang.

Busy na gyud kaayo ang kalibutan. Pirme lang nagdali. Ambut unsay na-busy-han sa tawo, ambut unsay gidalian. Subra ang atong ka-busy nga makalimot kita asa kita paingon ug unsay linugdangan ning tanan natong pagka-busy.

Anyway, Bag-ong Tuig na pod. Maoy atong panghinaut nga mas mabungahon ang 2014 kay sa miaging tuig. Nga unta, makasubay kita karon sa matuwid na daan kay sa miaging tuig, nga gawas sa natural nga mga katalagman, naputos sa kahugaw sa corruption.

On the other hand, motuo ka ba’g feng shui? Si Feng Shui Master Hanz Cua misugyot og pipila ka paagi pag-attract sa luck … unsaon nga moduol kanato ang swerte, inay nga molikay karong tuiga. Kini sumala sa atong nakuha sa Yahoo Internet, napatik sa Manila Bulletin.

Matud ni Hanz: “Making surroundings clean, preparing 12 kinds of fruits of various sizes and shapes, and serving fish and chicken dishes are some of the best ways to attract luck on the New Year.”

So, panglimpyo sa palibut, pag-preparar og 12 ka prutas sa nagkalainlaing gidak-on ug porma, di kinahanglan lingin ang tanan. Isda ug manok ang hikayon (di siya motuo sa giingon nga mag kakha- tuka kita kun manok ang kan-on. In the olden days kuno, ang mga hari ug mga rayna midalit og manok pagkaon.

“Mag-general cleaning tayo bago mag-New Year. Throw away old things, especially those with cracks in your plates and drinking glasses or worn-out clothes. They will only invite negative energy,’’ niya pa. Kun dili kono ni nato buhaton, ma-stagnant ang atong swerte, di molihok.

Kun dunay ayuhonon, ayuhon, labi na ang main door nga maoy baba sa balay. Unya, kinahanglan hapsay ug limpiyo ang kusina. Usahay ra ba, ang kusina nga maoy gigikanan sa atong pagkaon, maoy labing hugaw nga dapit sa balay. Makaapiktar kono kini sa katigayunan ug panglawas sa tagbalay.

Ang bedroom, matud pa, kinahanglan walay mga libro, mga magazine, computer, TV set, ug labaw sa tanan, walay samin, labi na kun kini mo-reflect sa higdaanan. Mo-effect kono kini sa atong pagkatulog.  So ato pa, maka-insomnia. 

On New Year’s Eve, karong gabii, pun-a ang talad-kan-anan sa pagkaon, to signify abundance. Sa mga prutas ang pinya maoy himoon nga star fruit. Ingonman ang saging nga mag-promote sa “bonding” o kahiusa sa pamilya.  Puwa ang gisugyot nga isul-ob on New Year’s Eve ug New Year’s Day. Lakip ang imong underwear, puwa ug bag-o gyud. “Red is one of the lucky colors for 2014. Dapat bag-o ang red underwear natin pagdating ng New Year,” dugang ni Hanz.

At 12 midnight, magpaligid og orange gikan sa pultahan paingon sa living room, magsabwag og coins, ang mga bed sheets ug pillow cases kinahanglan bag-o o bag-ong linabhan, abli ang mga suga, bintana ug pultahan, magpaagas sa tubig, ug dili advisable ang magkidlap-kidlap nga suga.  Ug kinahanglan magsabasaba, to rid of negative energy  (di kinahanglan nga super yolanda o goodbye Napoles ang pabuto).  

Si Master Hanz who studied astrology, palm, face and tarot reading abroad, mipahimangno nga  “Kailangan rin natin s’yempre ang magsumikap at magdasal para maging successful. Hindi lang naman natin dapat iasa ang lahat ng swerte sa Feng Shui.’’ Happy New Year!