Nindot kaayo ang awhag ni Pres. Aquino sa mga Filipino nga ipasunod niini ang mga lakang ug binuhatan ni Jesukristo.
Mao lagi unta, mao gyud untay angay nga sundon sa mga tawo karong panahona ang mga sugo ni Cristo.
Si Cristo nagpalansang sa Krus isip pagtuman sa sugo sa Dios nga Iyang amahan.
Una mahitabo ang paglansang Kaniya gipaguyod kaniya ang Iyang Krus nga maoy gilansangan Kaniya.
Mao man gani tungod kay tawo siya nga mibati og kahadlok, miampo siya sa amahan nga “kun mahimo isaylo kanako kining kopa, apan di ang akong gusto maoy matuman kundi ang Imo.
Sakit kaayo ang kamatayon ni Cristo, apan nahadlok Siya kay wa siya magdahum nga ang iganti Kaniya sa Dios mao ang kinabuhing way katapusan.
Ingon usab niini ang mahitabo sa mga tawo nga nagsunod sa mga sugo ni Cristo ug sa Dios karong panahona.
Gaan ang maong mga sugo ug wa nay lansangay tungod kay nasayud si Cristo nga bisan kusi lang, talawan kaayo ang tawo, lansang pa kaha?
Apan naunsa ba nga gusto man sa tawo ang kinaiya ni Hudas, nga tungod sa kahakug sa kuwarta, gibaligya niya sa Cristo, pastilan ka maldito.
Karon ang mga kaliwat ni Hudas di na kontento og minilyon ka pesos kundi binilyon na ka pesos ang gisurikbot.