Ang mga women’s rights militants sa Brazil mipakita sa ilang hugtanong pagsupak sa balaud diin gidili ang topless nga suot sa mga babaye sa mga beach resorts.
Dili pa lang dugay dihay taho nga usa ka pundok sa mga babaye nga nag-topless ang moprotesta batok sa maong balaud. Ug adto kini sa Ipanema Beach ipahigayon.
* * *
Halapad nga publisidad ang gihatag sa media niining maong kalihukan. Suma pa sa balita gikan sa Rio de Janeiro morag mi-stampede ang mga photojournalist ngadto sa Ipanema Beach aron sa pag-kober sa maong kalihukan.
* * *
Duna say mga dili taga media ang mipunsisok sa maong dapit alang ra sa pagpanguryoso.
Mga 100 ka photojournalists ang nag-ilog og maayong puwesto sa dapit nga giingon sa media nga maoy lugar sa topless protest.
* * *
Apan tulo ra ka babaye ang misipot sa protesta ug ang ilang pangu mao ang usa ka Olga kinsa wa mag-ukon-ukon sa pag-atubang sa battery of photographers. Si Olga 73 anyos na.
Matud ni Olga nganong did-an man silang mga babaye mag-topless. Ang breast kuno sa babaye dili makaunsa. Apan ang balaud sa Brazil miila niini nga obscene kun ipakita nga way salimbong sa publiko.
* * *
Ang protesta batok sa maong balaud magpadayon matud sa mga organizers niini. Nagtuo ang maong mga tigpasiugda sa maong protesta nga ang “toplessness†sa Brazilians makapadani og mas daghang turista atol sa World Cup sa sunod nga tuig.
* * *
SA LAING BAHIN ... Malipayong Pasko ug Malinawong Bag-ong Tuig kanatong tanan.