Ang libro ni M. Scott Peck nga nag-ulohan og roadless travelled ang nakahatag nako og dakong pagtagad busa ako gilayon kining gipalit. Kabahin sa hilisgutan niini mao ang: Power of attention. Alang nako, dako kaayo kini og kahimoan sa atong tinguha sa pagkab-ot sa atong kaayohan.
Gani ang power of attention adunay dakong kahimoan usab sa atong panaw sa pagtuo ning nagsingabot nga Pasko sa pagkatawo sa atong Ginoo. Atong sukaranang teksto niini mao ang Lukas 1;5-25. Ang nahitabo kang Zacarias sa dihang siya nakadawat sa mensahe nga ipahimugso sa iyang asawa nga si Isabel ang mag-uuna sa Ginoo nga mao si Juan Magbubunyag.
Naamang siya sulod sa panahon nga nagmabdos ang iyang asawa. Alang sa dugang detalye niini, gidapit ko kamo sa pagbasa niini diha sa inyong tagsa-tagsa ka mga Bibliya.