Ang corruption -- kun sa ato pang kasagarang pinulongan: korupsyon o pagpangurakot -- maoy makasanta sa maayong tinguha ni bisan kinsa gustong makab-ot ang kalambuan.
* * *
Kini maoy unod kon punto sa pasidaan ni Kuntoro Mangkusubroto, ang tawo nga maoy responsabli sa pagbangon sa Aceh Province, Indonesia, human kini pusgaya og tsunami susama sa pagpusgay sa Tacloban sa super typhoon nga si Yolanda.
* * *
Si Kuntoro Mangkusubroto mipadayag sa iyang hunahuna kabahin sa rekonstruksyon ug korupsyon atol sa panaghinabi niini sa reporter sa Phil STAR di pa lang dugay.
Tungod sa malampuson nga paggawong ni Kuntoro sa korupsyon, nagmalampuson usab siya sa iyang tinguha nga makabangon ang Aceh.
* * *
Matud ni Kuntoro ang reconstruction budget sa Indonesia $7.2 billion ug kadtong mga nangamot gikan sa abroad sensitibo kaayo kabahin sa korupsyon.
Ang Indonesian reconstruction czar gikutlo sa Phil STAR nga miingon:
“So I always tell my staff and all those organizations related to the reconstruction of Aceh, we have to put strong protection so there is no corruption in the reconstruction.â€
* * *
Mipuno siya nga wala’y gustong mo-donate og pundo kun dili mahapunta sa katuyuan sa donasyon.
“Corruption could stop the flow of funds from abroad,†matud pa niya.
* * *
SA LAIN BAHIN ... Daghang mga kompaniya ang wa mopahigayon og Christmas party dinhi sa ato kay ilang gidonar ang pundo sa mga dapit nga sinalakay ni Yolanda.