Namalhin

Naay pipila ka mga negosyante ug professional nga mi-relocate sa ila base of operations gikan sa Tacloban ngadto sa laing dakbayan sa Visayas.

“Dili gyud unta ko ganahan mobiya sa Tacloban apan kinahanglan gyud aron dili maputol ang dagan sa akong panginabuhian ... Duna koy gipakaon nga mga tinawo gawas sa akong pamilya.”

* * *

Maoy pangatarungan ni Sir Pepito (apelyido gipugngan), usa ka Sugbuanon kinsa nanimuyo na og 46 ka tuig sa Tacloban diin kalit lang nga nahapay ang iyang tindahan ug opisina atol sa pag-arangkada ni Yolanda.

Si Engr. Januario (apelyido gipugngan) mi-relocate sab sa iyang base of business operation sa Cebu City.

* * *

Buot kuno unta siya mohuwat sa rehabilitasyon sa Tacloban, apan giingnan siya nga napu pa ka tuig makabangon og hingpit ang ilang siyudad. “Dili ko makahuwat sa ingon kadugayon. Gamay ra man ko nga negosyante,” matud niya.

* * *

Apan naa gyu’y mga negosyante lumad nga Tacloban nga miunong sa iyang siyudad bisan ang bulk sa iyang negosyo ania na ron sa Sugbu. Mihimo siya og gamay nga stand duol sa nahanaw nga bilding diin siya nag-opisina kaniadto ug iyang gipitlan og poster nga nag-ingon: “Business as usual. Call Tel. - - - -.” Siya motubag sa tawag pero nia siya sa Cebu.

* * *

SA LAING BAHIN ... Buot tang mo-greet  sa atong mga higalang magbabasa sa Banat News diha sa mga tindahan sa buwad sa Tabuan area. Daghang salamat sa inyong suporta sa Banat News.