Sama sa ubang mga organismo ang pisikal nga balatian dako kaayo og kalambigitan sa pamati sa matag tawo. Makaapekto kini sa inadlaw nga buluhaton ni bisan kinsa nga natakboyan niini. Ang bisan unsang reaksiyon sa lawas nagpaila lamang nga dunay dili maayong mga panghitabo nga tungod niini ang lawas kun ang pisikal nga bahin sa tawo miangal busa mahinungdanon kaayo ang pag-atimang pisikal ug mahinungdanon kaayo ang tambag sa mga doktor. Sila ang dunay gahom sa paghiling kun ang tawo nga gitakboyan sa maong sakit. Sa praktikal nga bahin mahinungdanon kaayo nga buhaton ni bisan kinsang buot mahimong himsog kining mosunod:
1. Hustong pagkaon
2. Hustong pahuway
3. Hustong ehersisyo
Hinumdomi ang atong lawas maoy atong puhonan sa bisan unsang buot natong kab-uton. Sa laing bahin kini usab ang templo sa Espiritu Santo. Ang paglikay sa bisan unsang makadaut dako kaayo og kahimoan aron magmalampuson kita sa atong gitinguha.