Di buhat sa kamot sa tawo. Mao kini ang atong masud-ong sa Tacloban City inig tugpa nato sa airport.
Walay gipili ang bagyong Yolanda ma datu o kabus man, mga harianong pinuy-anan ug mga barong-barong pulos gikuhaan og atop.
May pila nga matikay-ang ug kasagaran gigupok ug gikunis-kunis sama usab sa mga kahoy nga dagko ug gagmay.
Uban sa mga lubi kundi malarot, naputol ang mga atop nga sin ug puthaw nga dapat murag gipisi sa usa ka kamot sa higante.
Ang mga basura nga nagbungtud sa kadaplinan sa karsada maoy kasamtangang talan-awon sa palibot sa Tacloban nga di nimo matukib ug maihap ang hilabihang kapungot ug kalagot nga di mugna sa tawo kundi sa kinaiyahan.