EDITORYAL - Ang kaisug sa taga Tacloban

Ang de facto martial law gipatuman  sa Tacloban city tungod  sa kaisug  sa mga  tawo didto.

Itandi  ang  mga  taga  Bohol  ug taga  Tacloban nga  pulos  sa giigo og  katalagman, mas  kalma  ang  taga  Bohol human sa linog.

Way  mga armadong  mga  tawo  nga  milihok  pagpanghulga  sa  ilang  isig-katawo  didto  sa Bohol, way armadong  mga  tawo  nga  migamit  sa ilang  armas  aron pag-ilog  sa makaon  nga  dala  sa ubang  tawo.

Labaw sa tanan way  mga dagkong  negosyante  nga  napurhisyo didto  sa Bohol  kay  gikawatan  sa  mga  gutom  nga  Bol-anon.

Apan  sa Tacloban, didto  kini  masinatii sa tanan  nga  nagpasabot  sa  natiti  nga  paglaum  sa  mga  biktima  sa bagyo  nga  Yolanda.

Ang  kaisug  sa taga  Tacloban  ilang  gipadayag atubangan  sa  nagbaha  usab  nga  hinabang  nga  pagkaon  nga  gikan  sa kagamhanan  ug  pribadong  mga  institusyon.

Way  legal  nga  papeles  sa  de facto martial law didto  sa Leyte,  apan  gipatuman  sa kagamhanan  nga  higpit  ang  balaod  diin  kutob  sa madakpang  mangawat,  pilit  niyang  panubagan  ang  silot  nga  gihan-ay  sa  maong  balaod.

Kay  kun di  ipatuman  sa kagamhanan  ang  balaod,  basin magtuo  ang  kadaghanan  nga  wa nay  tukmang  balaod  nga angay  sundon  ang  tawo.

Ang balaod, balaod  gyud  ug  way  angay  mapasaylo tungod  sa unsa  mang  hinungdan.