Pulos Latina

Pulos mga mujer Latina, nasaglan og usa ka Asiana ang lima ka finalist sa Miss Universe pageant nga gipahigayon didto sa Russia atong usang adlaw.

* * *

Ang mga mananaug gikan sa Latin America mao sila si Miss Venezuela, Miss Brazil,  Miss Ecuador ug iapil na lang nato si Miss Spain kay sila ra man kaliwata. Si Miss Philippine ray taga-Asia, though naay mga tawo sa laing nasud nga nagtuo nga ang Pinas sakop sa Latin America.

* * *

Sa interview portion sa competition si Miss Philippines (Ariella Arida) ra ang nitubag sa question sa pinulungang Iningles samtang ang uban finalist Kinatsila ang tubag ug nagkinahanglan pa og translator o interpreter.

* * *

Naay koy kailang maestro sa kolehiyo nga walay sali’g niining mga interpreter nga mohubad o mo-translate sa tubag sa mga contestant nga Latina. Matud ining maestro nga kaila nato maayo mopanindot sa tubag sa contestant bisan kini usahay wa motakdo sa punto de vista sa hurado nga nangutana.

* * *

Third runner-up si Miss Philippines. OK na ni. Di man last. Medyo mauwaw ta kun ang atong best bet naapil sa pundok sa mga “Thank you girls.”

* * *

SA LAING BAHIN ... Congratulations ngadto ni Miss Arida sa laing dungog nga iyang nahatag sa Pinas ... Salamat sa Banat News readers diha sa North Reclamation Area tungod sa ilang suporta sa atong tabloid.