Daghan ang nagtuo nga dali ra kaayo ang mahimong ginikanan. Pinaagi sa pag-andam sa mga diapers, vitamins ug uban pa ang magtiayon ginikanan na. Apan kun buot hunahunaon ang pagka-ginikanan usa ka proseso nga padayong palambuon ug alimahon.
Kuyog niini ang pagpalig-on usab sa relasyon ingon nga bana ug asawa. Bisan ginikanan ka na wala kini magpasabot nga imong mahikalimtan ang imong mga sweet moments kuyog sa imong asawa o sa imong bana. Busa angay ug matarong lamang nga ang matag ginikanan ang moatiman sa ilang kaugalingong panginahanglan usab aron sa ingon ilang maatiman ang ilang mga anak.