Brgy Bae, Sibonga, Cebu

“Naunsa na man tawun ni among lugar Sir nga daghan na man kaayo mga kriminal maayo unta’g aksyonan na ni karun sa mga napiling opisyal sa among barangay.”

BRGY TUBURAN SUR, DANAO CITY

“Pwerte na mang klaroha sa pamaligya’g shabu diri sa among lugar wala man gyu’y gihimong aksyon ang mga opisyal sa barangay bahin ani bisag pag-report na lang ngadto sa PDEA.”

BRGY HAGNAYA, SAN REMEGIO, CEBU

“Unsa na man tawon ning among lugar Sir nga wala may pakabana ang mga opisyales aning problema sa illegal nga drugas klaro na kaayo ang negosyo sa mga badlungon sa katilingban.”

BRGY CUBACUB, MANDAUE CITY

“Sir palihog ko’g pasusi sa kadagkuan sa siyudad nga ipasusi ning among barangay hall kay kabantay ko nga ang mga staff ug usahay mga opisyal magduwa ra man og computer ug internet bisa’g office hour.”

BRGY SAAVEDRA, MOALBOAL, CEBU

“Sir Jun kanus-a pa man mahunong ang pagpamaligya’g shabu diri sa among lugar nga nagkagrabi na man, naa na man untay nadakpan pero nakagawas ra man sad dayon unya balik na sad negosyo’g shabu.”

BRGY LAMAC, CONSOLACION, CEBU

“Magpatabang unta mi sa traffic diri sa eskina Lamac tungod aning mga traysikad ug mga motor nga naa na man mag-parking sa karsada, wa may nahimo ani ang mga sakop sa TES diri sa lungsod.”

BRGY SINISIN, CEBU CITY

“Daghan na man kaayo nga ten wheeler truck nga mag-agian diri sa among lugar nga magkarga’g balas didto duol sa malubog dump sa Toledo City, samot kaguba ang karsada namo diri nga pwerte ra bang gamaya.”

BRGY TAYTAY, BADIAN, CEBU

“Among lugar gitawag nag Badian-shabu kay kusog kaayo ang illegal nga drugas labi nang shabu ambot nganong wala ni masulbad sa mga opisyales namo sa lungsod ug sa kapolisan.”

BRGY TABUNOK, TALISAY CITY

“Naay manilhigay diri sa among lugar nga magbagulbol man kun daghan siya’g silhigonon nga mga basura nga unta mao man nay iyang trabaho wa na lang unta siya midawat ana nga trabaho kun mao nay iyang batasan.”

BRGY MAGHAWAY, TALISAY CITY

“Manghinaut lang mi sir Jun nga naa na unta’y mahimong mga project ang midaog nga mga opisyal sa among barangay kay sa una wala man mi makabantay.”

Happy birthday ni Fr LYNDON RUIZ sa Sacred Heart Parish sa Tangkong, Bantayan, Cebu

Alang sa inyong reklamo text lang sa 09071678643