Dili kaayo init ang pinustaanay tali ni Manny Pacquiao ug Brandon Rios. Kini suma ni Estong Putot, angga sa usa ka kristo sa buwangan manangkat kon mamasyar og pusta diha sa mga karinderya ug barberya.
* * *
Ang amo ni Estong Putot nga usa ka dakong sugarol mipundo kaniya og P10,000 nga pusta alang kang Pacquiao. Hangtud karon P10,000 lang gihapon.
“Mura’g hinay man pinustaanay,†matud ni Estong ngadto sa atong inpormante.
* * *
Naa pa man gani kunong mga sugarol nga wa masayud kanus-a ang umaabot away ni Pacman. Matud pang Estong ang kan-anan nga iyang gisolisitan og “pay-per-view†sa mga miaging away ni Manny wa na ron mosulisit og mga manan-aw sa umaabot fight ni Pacman.
* * *
Naobserbahan sab ni Estong nga ang bayad karon sa pay-per-view gipakubsan sa mga tag-iya sa binyu sa televised fight ni Pacquiao. “Kaniadto dili momenus sa P500 ang pulta sa mga kan-anan nga mopasalida sa televised fight,†matud ni Estong. “Karon naay binyu nga mopulta lang og P200 o ubos pa gani.â€
* * *
Hinoon ang mga fans sa “Pambansang Kamao†nanghinaut gihapon nga modaug si Pacman ning umaabot niyang away sa Nobiyembre 24 didto sa Macau.
“Nakataya gihapon ang dungog sa nasud ning umaabot fight ni Manny,†matud nila.
* * *
SA LAING BAHIN ... Magpasalamat kita sa nagpadayon nga suporta sa Banat News sa mga magbabasa diha sa Tabada St., Alumnus ug Cabreros.