EDITORYAL - Ang attitude problem makabuang kuno

Ang tawo nga may attitude problem, abnormal  kini  sa  mga  tawong  tarong  og  hunahuna  ug  kinaiya.

May  mga  tawong  kawatan, tulisan ug uban pang matang sa dautang  bisyo,  apan  ang nabaniog  na  kaayong  matang  sa  attitude problem  sa tawo  mao  ang  kinaiya  nga  murag irong buang.

Mao kini  paghulagway  sa  169 ka mga  vendor   nga mepitisyon batok  sa nagdumala  sa  buhatan  nga  ubos  sa mandar  sa   Capitol.

Gusto nilang ilisan  ang  administrador  sa  maong  buhatan  kay di kuno desente moduma  kanila.

Kusog  maninghag, mogamit  og  mga  pulong  nga  giingon nilang “unprintable,” ug uban  pang  mga  kinaiya  nga  makapainat  sa ilang  dunggan.

Hinungdan  nga  gusto nilang  ilisan aron  nga  mahunong  na ang  ilang  pag-ugtas  sa  kinaiya  niini  nga  wa nila  hiayoni.

Ambot  kun unsa  kini  ka tinuod, apan  kun di usab tinuod unsa may  kasuk-an  sa hingtungdang  opisyal  kun  iya gyud  na  nga  kinaiya  ug way plano  nga  mausab.

Hinuon  kun  naanad na siya  sa pagpaninghag  sa iyang  mga  sakop  sa balay  kay  maoy  iyang  kinaiya, aw natural  naanad  na  usab kaniya ang  iyang  asawa  ug  mga anak.

Mas maayo  nga  mo-adjust  na lang  ang  di  niya  sakop  sa panimalay kay basin nabag-ohan  lang  kamo  sa iyang  kinaiya.

Kay  ang  kinaiya lisud  kaayong  usbon  gawas  kun  pasakitan  ka,  aron ka mahinumdom  nga  kun ikaw  ang tua  sa dapit  sa mga vendor  mag-ugtas diay ka sa imong  kinaiya.