Wala kaayo mahatagi og igong gibug-aton ang isyu nga dunay kalambigitan sa Sexual Behavior sa mga batan-on diha sa konteksto sa panagtrato.
Ang mga ginikanan igo lang mopahimangno nga dili maayo ang fornication ug ang premarital sex apan ang detalyadong paghisgot niini in the context of sex education ang wala gyud mapaladmi.
Kun mahisgotan man gani, kutob ra pud sa lawasnon nga aspeto nataligam-an ang moral nga aspeto niini. Mao nga ang matag tinedyer ang kinahanglang matudloan sa husto nga pagkatudlo uban ang lamdag sa pagtulon-ang moral sa simbahan.
Ang matag ginikanan gyud unta ang mohimo og usa ka mas intimate ug mas personal nga paghisgot-hisgot sa mga batan-ong anak kalabot niini aron dili sila mamahimong ignorante ug kuryuso nga moresulta na hinuon sa usa ka mapasagarong kinaiya ug balansayon.
Mga balansayon nga magdala kanila sa kakuyaw.