Scouting

Atong gisaulog karon ang National Scouting Month. Niay usa ka kalihukan nga angay paluyuhan sa katilingbang Pinoy.

Ang scouting movement gisuportaan sa kagamhanan sa hapit tanang nasud sa kalibutan tungod sa dakong kaayuhan nga mahimo niini ngadto sa mga katawhan.

* * *

Normally, giila ang Scouting Movement nga alang ra sa boys and girls. Kay alang man kini sa citizenship training ug character building.

Mao nga dinhi sa atong nasud adunay balaud diin ang mga primary ug elementary schools kinahanglan moorganisar gayud og Boy Scouts ug Girl Scouts.

* * *

Ug kadtong mga opisyal sa kagamhanan kinsa nalambigit sa Scouting Movement kinahanglan mosul-ob og scout uniform aron sa pagpakita sa ilang suporta sa kalihukan kon movement.

Mao nga usahay atong makita si Vice President Jojo Binay nga nag-Boy Scout uniform lakip na ang short pants, neckerchief, etc.

* * *

Bisan didto sa Lebanon, diin way hunong ang pinusilay, duna sad silay Boy Scouts. Diha toy hulagway sa usa ka Lebanese Boy Scout troop diin ang mga boys pulos dunay bangas ug bungot samtang mikupot og rifle nga mora-morag Armalite.

* * *

Didto sa Mountain Province, duna sad silay Boy Scouts nga nag- bahag kon G-strings apan duna say neckerchief.

Rare-looking sila gani nigawas sila sa usa ka magasin didto’s Europe mi-feature kanila atol sa kasaulogan sa World Scouting Month.

* * *

TRIVIA. Maayong adlaw sa mga Banat News readers diha sa Busay labi na ni Undo Labus Sr., dugay na natong supporter sa BN.