Anaa sa kabatan-on ang tinguha nga pangitaon ang kaugalingon. Dili usahay kini makita sa ubang mga ginikanan nga tungod sa ilang possessiveness.
Apan kun tinud-anay kang nahigugma sa imong anak mas maayo nga ingon nga ginikanan ang mohimo og makanunayong giya ug pagsuporta sa imong anak. Mas maayo nga siya imong umolon aron mamahimong mas andam sa mas dako pa nga kalibutan ug mamahimong moharong sa mga hagit sa kinabuhi. Mao nga niadtong bata pa siya nahimong buhong siya sa mga pagpangga ug pag-amomang pisikal.
Karon nga dako na siya, nahimong mas balanse kini kun sa hinay-hinay siya pahibaw-on sa mga kausaban nga nahitabo sa iyang kinabuhi. Ang possessiveness ingon man ang hagip-ot nga pagdumala sa imong batan-ong anak ang mohimo hinuon kaniya nga mas morebelde ug mahisugamak sa dili maayong mga barkada nga sama kaniya ang adunay panginahanglan nga mahisakop. Ihatag kining daan kaniya mismo sulod sa imong panimalay aron kun atua na siya sa mas halapad nga kalibutan mamahimo siyang andam ug tagana nga mamalandong niini.