Gitawag ko sa akong amigo nga taga Barangay Pasil ug gipahibalo nga mikisi-kisi pag-ayo ang usa ka lumulopyo sa mao nga lugar dihang gihisgutan nato nga usa siya sa nag-operate og video karera. Ang akong higala, respitado kaayo nga lumulopyo sa Barangay Pasil, mitataw g’yud nga tinuod nga si “Junior Antik,†dili na lang nako ibutyag ang tinuod nga ngalan, nag-operate og karera niadto.
Karon kuno, wala na’y video karera sa balay ni Junior Antik diha duol sa kapilya sa maong lugar. Na hala, kamo’ng taga diha pahibaw-a ko pananglit mobalik si Junior pag-operate.
Daghan man gud kaayo nga moreport kanako dihang gipublikar nako ang akong numero 0933-570-0853. Sari-sari lang ang madawat nako nga report.
Usbon nako, dili ko maka-reply sa tanang text messages nga akong madawat. Ang uban gud igo lang mangutana, mahimong matubag nako kini pero unya na kun dili ko busy.
Ang nakaapan lang kay inigtubag usahay nako moingon “Who You?†Ha, ha, pagka walay klaro. Ang inyong mga inpormasyon ako nga i-take note kun angay nga hatagan og pagtagad.
** *
Sama aning report nga akong nadawat nga pwerte ang pagsiaw sa sugal nga “tong-it†diha sa Barangay West Poblacion, Naga City ug ang sagad magtong-it mga asawa.
Kining mireklamo nako usa ka lalaki nga ang iyang asawa kuno mabuntagan sa pagsugal og tong-it. Duol ra kuno kini sa balay sa barangay kapitan apan wala kaayo mahatagi og pagtagad.
Ambut og tinuod ba nga ang nagpadagan niining tong-it “bata-bata†sa kapitan. Tinuod ni Capt? Palihug kapitan, tagda tawon kining reklamo sa imong mga lumulopyo.
* * *
Nakahukom ko nga mobalik pag-abag sa mga sakop sa Land Transportation Office (LTO) sa kampanya pagpanakop sa mga badlongong draybers, ilabi na kining motaptap og “dark glasses†sa ilang plate numbers.
Hapit na usa ka tuig nga mihunong ko pagpanakop sa mga drayber nga abusado apan nagkadaghan man ang mga mihimo’g kalapasan sa balaud nga angay’ng tudloan og leksyon.
Nganong taptapan man ninyo ang plate numbers sa inyong mga sakyanan og “dark glasses?†Gituyo ang plate numbers aron mailhan ang mga sakyanan kun makasugat kini og aksidente, unya inyong taptapan ang plate numbers?
Ang ako gani nga sakyanan gidugangan pa man nako og suga nga hayag kaayo nga magbanwag sa plate numbers unya kamo inyong taptapan?
Unya nagkadaghan usab ang mga sakyanan nga magdagan sa karsada panahon sa gabii nga “bulhog†kon pundir ang suga. Basta kay daghan ang mga drayber nga dakponon karong panahona.