Gasa ug puntos

Husto nga dili nimo anaron sa Reward ug Punishment basis ang pagdumala sa kinaiya sa imong anak. Apan sa laing bahin usab, mahinungdanon kaayo nga imong himoon ang mas konkretong ritwal aron ang imong anak maantigong mosud-ong sa kamahinungdanon sa linugdangan sa matag buhat. Suwayi kining maong ehersisyo:

1. Tawga ang imong anak ug ipakita niya ang usa ka bag.

2. Ingna siya nga ang sulod sa maong bag mao ang mga surpresa ug mga gasa gikan kanimo.

3. Matag buhat nga maayo adunay usa ka punto ug sa matag tulo ka mga buhat nga maayo mamahimong tulo ka mga puntos nga makahimo kaniya nga haom nga makadawat og ganti gikan kanimo.

4.  Himoa ang paglista sa mga maayong buhat nga iyang nahimo matag adlaw aron makita ang tataw nga kwenta sa maong kalamboan.

Ang bata nga maminaw niini ang mobati og interes kon kaikag sa maong han-ay ug kasabotan. Nga sa ato pa sa matag higayon nga siya manghugas og plato matag human og kaon usa kadto ka punto ug kun makahugas siya’g katulo mamahimo siyang kwalipikado sa imong gasa. Kining maong mga gasa gitawag nato og mga simpleng duwaan, pagkaon, o dili ba kaha kwarta nga gihimo natong incentives. Ang mga bata dili kaayo particular kun mahalon o baratohon ba ang imong gihatag hinunoa, ilang makita nga ikaw mismo ang naghatag og dakong gibug-aton sa imong kamandoan nga tungod niini, imong himoon nga ikaw mismo mogasto ug mogahin og panahon aron duna kay ikahatag alang kanila. Sulayi kini sulod sa usa ka semana ug makita nimo ang resulta.