EDITORIAL - Gusto ka’ng mokomento?

 â€œJust feed Napoles to the hungry already”,  maoy  pipila  sa  mga  gaan  nga komentaryo dihang  si  Janet Lim-Napoles mitahan  sa iyang  kaugalingon  niadtong Agosto 29 ngadto  sa Malacañang.

Kinsa bay  di  maglagot  sa mga  taho nga  binilyon ka pesos sa atong  mga  buhis  gilunod  ngadto sa mini  nga  mga  NGO. Ikapakaon  na  unta  kini ngadto  sa  minilyon  ka  kabataang  gigutom, makamugna  og  panukdanan aron   maluwas  kita  sa baha, makahatag  og  trabaho  sa  mga way trabaho  ug  moluwas  og  kinabuhi?

Isip mga responsabli nga  tigbalita, giawhag kita  nga  mokalma.  Giawhag  kita  sa pagpresentar  sa kamatuoran, ilabi  na  sa mga  ebidensya  nga  pipila lang  sa atong  mga  lider  ang  mibutyag. Gihangyo  kita nga mosil-ing  sa  mga  kamatuoran, o kaha  moeksamin  sa   mga  bag-ong  kamatuoran.

 Ang  pagwaldas  sa kuwarta  sa publiko sa mini  nga  mga  NGO  nagkahulogan  usab  nga  kitang  taga media napakyas  sa  pagbantay  niadtong  nagdumala  kanato.  Nganong  dugay  nasayran  kining  maong  binuang  nga  organisasyon.

Atong gitiman-an ang Cebu Press Freedom Week matag  Septiyembre aron  ang  mga ngitngit  nga  kagabhion  sa kalag  di makalimtan. Ato usab  nga  gisaulog, usahay  ang  ang risgo  sa pagpahalipay  sa  kaugalingon tungod  kay  ang Sugbo  nga  atong  gipuy-an  usa  ka  malinawong  lugar.

Ning  tuiga ang  mga kasinatian  sa atong duha  ka labing  inila  nga  komentarista sa radyo ug  pamantalaan, Bobby Nalzaro ug Leo Lastimosa, nakapahinumdom  kanato nga  kun  ang  labing  gamhanan  maigo  sa atong gipanulti ug  gisuwat, adunay  mga  pagsuway  nga  mahitabo.

 Ang  mga lindog   ni Nalzaro nahibalik  na  usab  sa  Sun.Star Cebu  ug Super Balita human  sa usa  ka buwan  nga  pagka-suspenso. Si Lastimosa, misaad  nga  mo-apelar  sa dili  pa dugay  niyang  pagka-konbikto sa kasong  libelo pinaagi  sa   Cebu Regional Trial Court. Gitagsa-tagsa  kini  sa pagdayeg  ug  mitumbok   sa  mga  kalag  nga mitimbangtimbang  sa  ilang  kaso kinsa naglisud  sa pag-atubang sa  kamatuoran.

Tungod kay  ang  komentaryo bisan  sa libre  nga  sosyidad, may  kaubang  risgo,  gani  bala ang gamiton  sa   uban aron  mahilom  ang   mga  komentarista.

May  gusto  ka nga  mokomentaryo sa  mga  panghitabo karong  adlawa?  Hawiri   ang  kamatuoran. Kini  maoy  hagit  sa usa ug usa ilabi  na  sa  mga  tigbalita.

Ang snark  barato.  Ang libre  ug responsabling  tigbalita mas daghan pa og  mabuhat  ug  ang  mga  komunidad nga  mosuporta kanila mas  labing  maayo ug  dalaygon.