Dihay listener sa radyo nga mora’g mikuwestyon sa pwerting pagbantay sa gobyerno ni Janet Napoles. Gigastuan kunog dako ang paghatag og seguridad sa kinabuhi sa gi-alleged nga mastermind sa P10-bilyon pork barrel scam.
* * *
Grabe bitaw tinuod ang security ni Napoles. Gibantayan nga way dautan nga nahitabo sa iyang kinabuhi gikan sa gawas o ba kaha gikan mismo sa iyang kamot. Kinahanglan mabuhi siya. Kay naa niya ang sekreto sa P10-B scam. Kun ma-dedo siya (sa paghuwam sa pinulongan sa among igsuon tabloid nga PM ug Pilipino Star Ngayon), magpista kadtong mga gidudahang nalambigit sa scam. Busa mabuhay ka Napoles!
* * *
Matud sa balita depensahan ni DILG Sec. Mar Roxas ang P9.5-bilyon nga budget sa iyang departmento. Dapat lang. Budget man kana dili pork barrel. Masagunto ang mga proyekto sa local governments kun lawgawon ang maong budget. Ang budget lahi sa pork barrel.
* * *
Correction: Ang namatay nga taga-radyo nga gireport ta dinhi mao si Mar “Hala Bira†Mendez, dili Mendoza. Sorry for this proof-reading error.
* * *
Usa ka shipment sa mga artificial human sex parts nakonpiskar kuno didto sa Thailand. Suma sa balita, ang maong artificial human sex parts sa lalaki ug babaye gilangkuban og rubber penis ug rubber vagina. Gikan kuno kini sa Pilipinas apan hinimo sa laing nasud. Sa ato pa gisalikway sa Pinas ang maong mga butang. Ang dili artificial maoy nindot, sa noh?
* * *
TRIVIA. Hello, diha sa atong mga higala sa kamerkadohan sa San Fernando,. Minglanilla, Talisay ug mga kasikbit nga dapit. Salamat sa inyong suporta sa Banat News.