Ang inilang eskuylahan sa Amerika nga mao ang California State University nag-atubang og dili sayon sulbaron nga problema.
Ang maong problema mitumaw dihang mipakanaug og kasuguan ang administrasyon sa tunghaan kabahin sa oniporme.
* * *
Ang kasuguan gisupak sa mga estudyanteng bayot ug tomboy. Sa pagpakita sa ilang kusganong pagsupak, ang mga bayot ug tombok miwelga sa ilang klase.
Ang mga bayot miwelga batok sa bag-ong kasuguan diin ang tanang lalaki magkarsones. Naa man goy mga estudyanteng bayot nga mosul-ob og skirt kon palda.
Kontra kining maong order sa gitawag nilang freedom to dress.
* * *
Ang mga tomboy sab miwelga batok sa mao gihapong kasuguan sa unibersidad.
Gusto silang mokarsones ug ilang gisalikway ang administrative order diin ang mga babayeng estudyante dili pakarsoneson. Mag palda gayud.
Sama sa mga bayot, buot nilang ipatigbabaw ang ilang freedom to dress kon ilang katungod sa pagsul-ob og karsones. Kay mga tomboy gud sila.
* * *
Ambot unsay resulta sa welga -- kon campus strike -- kay ang atong tinubdan wa may followup sa balita.
Apan igo na lang nga kitang magbabasa og balita nasayud nga problema gayud sa CSU ang mga bayot ug tomboy nga tinun-an kay makigbisog gayud kini alang sa ilang katungod.
* * *
TRIVIA. Maayong buntag sa atong mga higala diha sa Cebu City Hall. Daghang salamat sa inyong suporta sa Banat News.