EDITORYAL - Di angay mabalaka sa PDAF

Mahimong  sa  mga  Sugbuanong  magbabalaod   way  usa  nga  nalambigit  sa P10 billion pork barrel anomaly.

Apan  kun  langkaton  man  ang  ngan  nga  PDAF, sagdi lang  kay  may  iilis  ang  presidente  niini, sa lain  na  nga  ngan.

Iya  kining  repormahon   nga  lisud  nang  kiriwon  sa  di  kapiyalan  nga mga  magbabalaod  sa nasud.

Naunsa  ba  usab  ang  mga  magbabalaod  nga  mura  ma’g nayabag  sa  pagkangan  nga  wa  tingale  kaayo’y  nanginahanglan  og  proyekto  kanila,  maoy  hinungdan  nga  didto  nila  ilunod  ang  ilang  pork  sa  NGO  nga way  hinungdan.

Apan ambot  kun  unsang  kalakiha  kay  pila  ra diay   ka porsento  niini  ang didto  sa NGO  kay  naglabi  man  ang  nahiadto  sa bulsa  sa  mga  magbabalaod  sa nasud.

Aw hinuon, kay ila  kining  gisudlan, mibahad  ra  ba  si  PNoy  nga  una  siya  mobiya  sa katungdanan  kinahanglang  makita  niya  nga  may sentensya na  kadtong  mamatud-ang  sad-an.

Ambot  matag  usa  niini  kanila  mga  utokan  man  unta,  kuwartahan  ug  nakasinati  na  sila  sa  balaod, ila  mang  gisuwayan  kun  di ba  sila  hidutlan  og  kaso.

Si  kanhi  Pres.  Arroyo usa  unta  nga angay  nilang  panaminan  kun  human  sa iyang  pagka-presidente,  gawasnon  ba  siya  sama  sa way  kaso.

Pastilan  pagkapait  kun  mapriso  ka,  sinaw  kaayong  imong  mga sakyanan,  nindot  kaayo  ang  imong  balay, wa na kay  problema  ilabi  na  kun  guwapa  ang  imong  asawa.

Unya  di  kaha  kini  siya  mangita  og  lain?