Pork barrel

Matud sa headline sa Pilipino Star Ngayon: “P5-M Reward kay Napoles.”

Kadako ba. Pero OK nalang kun deductible kini sa natoles.

* * *

Tan-awa ra ni ron ang nahitabo sa maayo untang katuyuan sa Priority Development Assistance Fund (PDAF) kon pork barrel –– tungod sa mga buaya, wagtangon na hinoon.

Kun wa lang nagmukhang pera ang pipila sa atong mga kaigsuonan lakip na ang pipila sab ka mga magbabalaod, wala unta ni madiskuwedo ang PDAF.

* * *

Ang katuyuan sa PDAF maayo gyud unta. Kun wa lang interesi sa pipila ka mga buaya. Ang pagka “priority development assistance” niini na-entonsis na hinuon.

Mayra tong giabolis ni PNoy. Pero naa ra diha gihapon ang bilyones nga pundo. Nganlan kuno’g lain. Dili kaha na mahisama sa kabayo nga mao ra gihapo’g renda. O ba kaha mao rang iroa nga giilisdan la’g kolyar?

* * *

Maynalang abolison tuod kanang pundoha. Apan kun ipadayon man gayud kanang asistansa, ayaw na gayud intawon ipaduol sa mga buaya kay basin tukbon na sad.

Kaming mga timawa nga maoy hataganan sa maong pundo dili gihapon makatilaw bisan momho.

Mauwaw unta kadtong mga tawo sa gobyerno nga maoy nakaratsada sa PDAF. Ug maayong pangutan-on sab sila ni PNoy sama sa gipangutana niya sa taga Customs: “Diin ninyo kuhaa ang baga ninyong nawong?” (Sa Binisaya pa.)

* * *

TRIVIA. Daghang salamat sa atong mga higala diha sa barangay Tejero ning siyudad sa nagpadayon ninyong suporta sa Banat News.