Ang headline sa Philippine STAR karong buntaga Hulyo 16, 2013 nag-ingon: “Remittance from OFWs up by 5.3 percent.â€
Misaka kuno ang remittance kon kuwarta nga gipada sa Pilipinas sa mga OFW adtong buwan sa Mayo.
Suma pa sa Bangko Sentral ng Pilipinas mitotal og US$1.867 billion ang maong remittance, labing dako nga remittance sukad adtong miaging Disyembre diin mitotal og US$1.975 billion.
* * *
Ang rekord mipakita nga siging umento ang remittance sa mga OFW. Ug kining nagkadako nga kantidad sa kuwarta nga gipada sa Pilipinas sa mga OFW maoy miisa paibabaw sa atong ekonomiya.
Apan subo nga hunahunaon nga bisan pa sa ilang dakong tampo sa pagpalambo sa nasud, naa pay pipila ka mga OFW, labi na mga babaye, nga gidaugdaug sa atong mismong mga opisyal sa pipila ka mga dapit nga ilang gitrabahuan.
* * *
Suma sa mga balita nga ato nang nabasahan sa atong mga mantalaan, dihay mga babayeng OFW nga gipanamastamasan ug ang mga suspek niini suma sa balita mga opisyal sa gobyerno.
Sa atong pagsuwat niini wa pa kita makadawat og balita kabahin sa resulta sa imbestigasyon nga gihimo, ug kun naa na bay nasilutan.
* * *
Sa miaging mga administrasyon ginganlan ang mga OFW nga “Bag-ong Bayani†sa nasud. Kay mga bayani man dapat lang unta nga panggaon ang atong mga OFW dili pahimudsan labi na ang kababayen-an.
* * *
TRIVIA. Greetings sa atong mga readers diha sa South ug North Bus Terminals, lakip na ang mga drayber ug konduktor sa mga bus ug ang mga pasahero nga naghuwat sa ilang biyahe. Salamat sa inyong suporta sa Banat News.