Ang Gikusgon sa Imong TingoG

Matud pa ni Arnold Bennett nga sa matag higayon nga ikaw makigsulti o mosulti sa imong isigkaingon mahimo nimo kining buhaton sa duha ka mga pamaagi:

1. Sa mensahe nga imong gisulti

2. Sa paagi nga imo kining gisulti/gibungat

Seguro si Bennett nga 90 porsiyento sa mga panagbingkil ang nagasukad sa tono sa imong sinultihan. Daghang mga ginikanan ang buot mopakita ngadto sa ilang mga anak nga nasayud na sila sa mga sunod nga mga lakang sa ilang mga anak nga ang ilang anak walay laraw o plano nga tumanon ang ilang buot ipabuhat kanila. 

Ang tono sa tingog ang mopasabot niini. Sa laing bahin, ang mahudlatong tingog sa usa ka ginikanan ang dako kaayo og epekto sa bata. Adunay posibilidad nga gumikan sa dili kalikayang mga problema, kakapoy ug kahasol, ang mga ginikanan ang usahay makapataas sa tono sa ilang tingog ngadto sa ilang mga anak. Adunay mga ginikanan nga magpunay og “pamahid” sa ilang kaugalingong mga buslot ug sayop ngadto sa ilang mga anak. Ilang gipabuhagay ang ilang kasuko, kasagmuyo ngadto sa ilang mga anak, diin sila mismo ang wala masayud nga ang maong negatibong mga pagbati ang nagasukad ra diay sa ilang kaugalingon mismong kakulangan ug nga dili lang silang ganahan nga modawat o moangkon niini.

Kukabildo diha sa panimalay

Kun wala kining maong proseso, pagkamingaw ug kawalay kinabuhi sa atong pamilya. Dili nato paabuton nga ang mga ginagmay’ng mga problema atong padak-on kay basin unya’g malisud na kaayo alang kanato ang pagsulbad niini. Sama kini sa pagpakita sa atong pagtagad ngadto sa atong mga kabataan ug mga mahal sa kinabuhi. Dili maayo nga atong ipakita nga sila mahal nato kun sila anaa na sa ilang tagsa-tagsa ka mga lubnganan. The best time to love a person (ideally gyud unta) is now not tomorrow or the day after.  Nagkinahanglan kini og pagbansay-bansay gikan sa mga hingtungdan mismo.  -- Sumpayan pa