Dili lalim pangitaon ang trabaho karon, tungod sa kadaku sa populasyon nga nagkagamay pud ang higayon nga makasulod og trabaho. Atong makita sa mga kompaniya o sa mga personal nga nanginahanglan og trabahante, daghan kaayo ang mangaplay bisa’g pila ray kuhaon. Sa ato pa, kun kitay mangaplay gamay ray tsansa nga kita dawaton kay daghan man og kakompetensya. Dili ba?
Tungod ini, kun may trabaho na kita, pagkat-on og mga paagi nga mabatonan ang maayong hiyas sa panarbaho, aron magdugay sa puwesto. Praktikal ug sayon ra ang imong himuon. Panig-ing nila nga mga kaagi sa tawong nanarbaho. Tutoki ang kinaiya ngano sila nagdugay sa trabaho ug nahimong modelo sa ilang gitrabahoan. Aduna tay senaryo nga angay aninawon.
Usa kadto ka higayon, si Alisto nagbarug atubangan sa bag –ohay lang nahuman ang kinadak-an nga mansion sa ilahang dapit. Gipanag-iya kini sa adunahang magtiayon nga adunay daghang patigayon sa dakbayan. May plano siyang buhaton para masiguro ang kaugmaon sa panarbaho. May tindahan sa duol nga iyang giadto ug mihangyo nga mogamit sa telepono.
“ Mam, gusto unta ko mo-aplay sa inyo og trabaho,†matud ni Alisto nga nagpakiluoy, “Sige na mam, bisag hardinero lang kay may taas na man ko’g kasinatian sa pag-atiman sa mga tanom. Dili ka gyud magmahay nako mam kay kugihan ko sa trabaho.†Gihimo niya ang tanan nga diskarte aron lang dawaton.
“ Pasensya na Dong, may hardinero na kami ug dili kini mailisan kay giisip na namo siya nga kabahin sa pamilya tungod kay masaligan. Tagsa ra kami makakita’g sama niya kakugihan ug buotan. Busa bililhon siya alang kanamo.â€
“Salamat mam.†Gibutang niini ang telepono nga mapahiyumon kaayo nga mipasigpat ngadto sa tag-iya sa tindahan nga diha ra naminaw sa iyang tungod.
“ Oh, mora mag malipayon – unsa man nadawat kana sa gi-aplayan mong trabaho?†Nasabtan sa tag-iya sa tindahan nga gibalibaran siya apan nalipay hinoon. Gipasabot ni Alisto ngano ug unsay tinguha niya sa iyang pagpangaplay
“ Ang tinuod ako ang ilang hardinero nga nagpakaaron-ingnon nga mosulod pagka-hardinero. Gusto ko lang masayud kun kontento ba sila sa akong tinarbahoan. Kay buhaton ko gyud ang mga makapalipay nila.†Matud ni Alisto.