Ang pagtulon-an nga atong mapupo diha sa balaang kasulatan
1. “Ang bino makahimo nimong sabaan ug buangbuang. Busa ang paghubog hubog binuang.†(Panultihon 20;1).
2. “Ayaw pagkupot niini, ayaw pagtilaw niana, ayaw paghikap niadto.†(Colosas 2;21).
3. “Busa kun mokaon kamo o moinom o mobuhat og bisan unsa, buhata ang tanan sa pagpasidungog sa Dios†(1 Corinto 10;31).
4. “Ayaw pakighugoy-hugoy sa mga palahubog ug sa mga ulit. Kay ang mga palahubog ug mga ulit, mosangpot sa pagkawalay nahot.†(Panultihon 23;21-22).
Mga praktikal nga sugyot o tambag alang sa mga palahubog
1. Detoxification kini naglangkob sa pagtangtang sa mga toxins sa lawas sa tawo mas maayo kun himoon kini sa balay tambalanan.
2. Pag-ehersisyo aron mogawas ang mga singot sa lawas. Mahimong ang simple o yanong paglakaw-lakaw o strolling ang dako og epekto sa tawo aron sa hinay-hinay mogawas ang dili mga maayong kemikal sa iyang lawas gumikan sa iyang naghinobrang pag-inom.
3. Pagkaon og mga sustansiyadong kalan-on sama sa prutas, gulay, ug mga duga sa prutas kon fruit juice ingon man usab ang pag-inom og gatas.
4. Group theraphy diin ang hingtungdan ang manggihatagon lang gyud unta nga moabli aron katabangan sa ubang mga tawo diha sa konteksto sa grupo o pundok.
5. Sociotherapy diin ang pamilya mismo sa hingtungdan ang angayan gyud untang ipaubos og counseling aron sa ingon maandam pud ang panimalay alang sa pagbalik sa recovering alcoholic nga nipailawom og rehabilitation. Kini tungod kay ang nasinating kaligutgot, kasuko, kadismaya sa mga sakop sa pamilya gumikan sa mga salaod nga nahimo sa amahan o igsuong alcoholic ang dili sayong kuhaon o papason.
Ang tendency kun ugaling wala ang welcoming atmosphere gikan sa pamilya mismo sa hingtungdan adunay kahigayonan nga mobalik ang recovering alcoholic sa iyang naandang kahimtang nga mao ang pagka-alcoholic mismo.
- Latest
