Mga kiha nagtuasik

Daan pa gyud mi. Di ba niingon mi sa usa ka milabay tang lindog nga magpusot-pusot ang mga intriga, black propaganda, ug mga kinihaay samtang nagkaduol na ang piniliay?

* * *

Tan-awa ron. Wa ba matinuod ang gisulti namo. Karon lang adlawa (Biyernes sa pagsuwat ta niini) napuno og mga kinihaay (dala na niini ang mga intriga) ang mga pahina sa mga lokal nga pamantalaan.

* * *

Aniay pipila sa mga kabesa kon headline nga mimatuod sa among gisulti:

* “Rama 11 Others Sued”

* “Official Probe into Balili Case to Start”

* “Radaza Sues Pelaez, Pelaez Sues Apostol”

* “Anad Accuses Bogo Task Force of Harassment.”

Ug uban pa.

* * *

Hinuon ang labing dakung headline ning adlawa mao ang pag-istaring na sad sa anak sa mayor sa Talisay City (Cebu) nga si Joavan Fernandez kinsa naka-eskapo sa prisohan.

Tungod sa maong pag-eskapo, si Joavan ginganlan na kini ron sa kapolisan nga “Public Enemy No. 1.”

Dili baya kami diri ang mihingan ni Joavan nga “Public Enemy No. 1.” Ang police.

* * *

Matud pa niining ulohan sa balita: “Ombuds Finds Evidence vs. Gwen, et al.” Kabahin kini sa kontrobersiyal nga Balili case.

Ang pangutana sa usa ka sidewalk vendor diha sa Colon: “Nganong karon pa man nga hapit na ang piniliay?”

Atong simpleng tubag: “Ambot ngano?”

Hinuon ang mabuot nga lungsuranon sayod ngano.

* * *

TRIVIA. Eleksyon na sa Lunes kun dili mangapalyar ang PCOS machines ... Pilia intawon ninyo ang angayan pilion.