Mahitabo ba ang 12-0?

Si Tom O miangkon nga dili siya makahatag og 12-0 nga kadaugan sa senatorial race alang sa Liberal Party. Kini iyang gipadayag sa media dinhi sa Sugbo adtong pipila ka adlaw nga minglabay.

Usa ka banggiitan nga tigpaniid sa politika midayeg kang Kongresista Tom O sa iyang pagkamatinud-anon.

* * *

Matud pa niining maong tigpaniid, walay guwapong lider sa politika makapasalig og 12-0 shutdown nga kadaugan sa lumba sa mga kandidato para Senado. Gawas kuno sa mga tikasan ug teroristang mga lider didto sa Mindanao.

Kasagaran sa mga batid nga political analyst nagtuo nga modaug ang Team PNoy sa senatorial race batok sa Team UNA apan dili nganlan nga mangharus ang maong pundok nga gipangulohan ni PNoy.

* * *

Dunay mi-predict og 9-3 apan wa gyuy misuway og tag-an og kadaugan nga 10-2 labi na 12-0.

Wa man gud matingub sa LP kon Team PNOy ang maayong laki nga senatorial material. Naa say maayong pilionon sa pikas kampo. Gani, na pay mga pumipili nga mohagpat og mga maayong kandidato sa mga pundok gawas sa LP ug UNA.

* * *

Daghan karong mga boatnte nga natakdan sa birus sa “Dapat Tama” nga kampanya sa GMA-7.

Gani diha sa usa ka salo-salo sa SM City Cebu food court, nakugang ang ubang mga nangaon dihang dungan nanghugyaw ang mga nangapil sa salo-salo nga nag-ingon DAPAT-TAMA pagpangutana kanila sa usa ka higala kun kinsay maayong botahan.

* * *

TRIVIA. Daghang salamat sa atong mga suking magbabasa diha sa Consolacion ug Liloan public markets. Magpadayon ang paghatag kaninyo og maayong mga basahon sa Banat News.