Ang mosunod gisugilon kanato sa usa ka higalang magbabasa kinsa buot nga ipaambit ang iyang nasaksihan ngadto sa atong readers.
* * *
Samtang namahaw kuno siya uban sa iyang bana didto sa usa ka kalye dili kaayo layo sa Fuente Osmeña, iyang nasiplatan ang usa ka babaye nga nanglaksi og election campaign posters sa pader ug bongbong sa panimay.
Asawa diay kadto sa usa ka kandidato para sa usa ka elective post ning umaabot nga piniliay. Gitabangan siya og usa ka laing babaye.
* * *
Samtang nanglaksi ang maong babaye sa mga campaign posters sa iyang bana, nadunggan siya nga nagbagolbol.
“Naa may balaud batuk aning campaign posters,†matud niya, “nganong dili man tumanon?’
* * *
Naglibotlibot kuno ang maong asawa sa kandidato sakay sa iyang puti nga Nissan Sedan nga gi-drive sa iyang anak babaye. Ug kutob sa posters sa iyang bana nga iyang nasugatan iyang tangtangon
* * *
Naay pipila ka mga tigpaniid, daghan niini iyang silingan, kinsa nagduda nga nalain ang pamensar sa maong asawa apan mikatawa ra kuno kini.
“Kay ngano,†matud kuno sa asawa. “Nalain diay ang ulo sa usa ka tawo nga misuporta sa balaud?â€
* * *
TRIVIA. Daghang salamat sa atong magbabasa nga mitampo sa atong gikutlo nga istorya sa ibabaw ... Maayong buntag sa atong mga magbabasa diha sa may B. Rodriguez St. ug kasikbit nga mga dapit. Salamat sa inyong suporta sa Banat News.