Kun ugaling namatikdan nga ang hinungdan sa maong kahimtang mao ang tunglo pagaampoon kining mosunod: “Sa ngalan ni Jesu-Kristo akong gitangtang ang tunglo nga anaa kanimo! Litokon kini makatulo. Si Derek Prince sa iyang kasinatian sa Deliverance Ministry ang nilista og mga pito ka mga timailhan nga ang pamilya nahiagom sa tunglo o maldisyon. Kini naglangkob ning mosunod:
1. Mental ug Emosyonal nga Pagkahugno. Dili man sa tanang higayon ang kaso adunay kalambigitan sa tunglo apan mas maayo nga imo pud kining tan-awon.
2. Magbalik-balik nga sakit kon balatian ug mga mananambal dili makahatag og igong tubag sa hinungdan.
3. Dili makapanganak ug kasagaran makuhaan.
4. Magkaungkag nga pagpuyo o kaminyoon.
5. Magkalisud sa pinansiyal nga aspeto bisan adunay husto nga tuburan sa panudlanan.
6. Kanunay lang maaksidente.
7. Ang pamilya nakasinati og dili kasarangan ug wala damhang mga kamatayon (sama sa hikog).
B. Barang
Matang kini sa tunglo diin pagagamiton ang mga butang ingon nga instrument sa pagdaut o pag-usik sa biktima. Ang maong mga butang gihalad ngadto kang Satanas pinaagi sa mga yamyam sa barangan. Kini naglangkob sa mga butang nga iya sa biktima o bisan unsa nga mosimbolo sa biktima. Ang bation og tumang kasakit sa mga nagkadaiyang bahin sa iyang lawas. Ang uban pa gani ang moluwa og lansang sa walay igong hinungdan.
C. Lumay
Matang sa tunglo diin ang biktima “napugos og paghigugma†sa tawo nga supak gyud unta sa iyang hustong panghunahuna ug kabubut-on. Ang biktima daw nakasinati og usa ka hipnotismo sa tawo nga buot moangkon kaniya ug sa tanan nga anaa kaniya sa paagi nga pinugos ug hinakog.
Mga Angayang Buhaton
1. Kun ugaling naalinggatan ang kaso sa barang, mahinungdanon kaayo nga sutaon ang mga kahimanan nga gigamit sa barangan ngadto sa biktima aron kini makuha pinaagi sa pagsuka (kun ugaling gigamit ang pagkaon ingon nga taytayan sa barang o usik). Samtang ang ubang mga gamit ang kinahanglang dauban.
2. Ang biktima kinahanglang moinom og exorcised oil o dili ba kaha exorcised water aron siya makasuka samtang pagaampoon ang mga kinahanglanong mga pag-ampo.
3. Alang sa mga tinunglong mga butang nga nakaplagan himoon kining mosunod:
a. Kini pagabenditahan.
b. Dauban ang maong mga butang samtang pagaampoon ang Amahan Namo ug uban pang mga Pag-Ampo.
c. Ilabay ang mga abo niini ngadto sa nagdagang tubig (sama sa suba).
d. Ang bisan kinsa nga nakahikap sa maong mga butang ang kinahanglang manghunaw ug ginamit ang bendita.
4. Ampoon kining mosunod kun ugaling imong nakita nga anaa ang usa ka barang: “Sa ngalan ni Jesus akong gitangtang ang tunglo nga anaa kanimo!†litoka kini sa makatulo.