Ang bisan unsang isulti sa yawa pinaagi sa biktima ang dili hatagan og pagtagad sa pundok. Tumong sa yawa nga iyang pakaulawan, luyahon, bugalbugalan, hudlaton, ug pakgangon ang ritwal. Busa kinahanglang dili siya paminawon.
3. Sa Aktwal nga Ritwal sa Eksorsismo ug Pagpalingkawas (Deliverance)
a. Makanunayong pagpamalandong sa kabubut-on sa Dios. Aninawon gyud pag-ayo kun kinahanglanon ba gyud ang maong ritwal o dili o kabubut-on ba sa Dios nga pagahimoon ang maong ritwal.
b. Dili pagahimoon ang ritwal sa eksorsismo o ang sesyon sa pagpalingkawas kun wala ang dayag nga pagtugot sa biktima.
c. Paghangyo sa mga nagkadaiyang sakop sa katilingban nga mamahimong support groups o prayer warriors samtang pagahimoon ang ritwal o sesyon. Kini alang sa panalipod sa mga nalambigit sa maong buhat ug ingon man alang sa kalampusan sa maong buhat.
d. Gikinahanglan nga ang matag miyembro ang mamahimong andam sa ilang espiritwal, emosyonal, pisikal, ug sikolohikal nga aspeto. Kini tungod kay ang yawa ang mangita gyud og “abli†o mga agianan aron siya makahimo og usa ka mapintas nga pagpanimalos, sa dili ba, sa aktwal, ug inighuman sa ritwal o sa sesyon.
e. Ang yawa moapekto sa pasyente o biktima nga tungod niini moatras sa pagahimoong interview sa dili pa ang proseso mao nga kinahanglanon kaayo ang pag-abag.
f. Pagahimoon ang maong ritwal o sesyon sa usa ka pribado ug solemneng dapit sama sa kapilya o simbahan nga anaa ang Santisimo Sakramento sa Altar.
g. Kun mogamit og sakyanan ang pundok (exorcism and deliverance) kinahanglang ampoon nila daan ang pag-ampo sa panalipod sa dili pa sila mopanaw padulong sa biktima.
h.Ang eksorsista o ang ministro sa pagpalingkawas (deliverance minister) ang nakapunting lamang sa Ginoo ug sa gugma niini sa pasyente ug dili sa demonyo. Dugang pa, kinahanglang itukmod ang eksorsista ug ministro sa pagpalingkawas sa iyang gugma usab sa biktima. Kinahanglang masinati kini sa biktima. Busa dili maayo nga mohimo og pagsinggit o pagsinggaak ngadto sa biktima panahon sa ritwal.
i. Adunay kalambigitan ang kalingkawasan kon deliverance sa kaayohan gikan sa bisan unsang trauma o emosyonal nga balatian. Pangayoon ang grasya sa Dios mosirado sa mga agianan nga maoy hinungdan kun nganong ang yawa nakasulod sa kinabuhi sa biktima.
j. Kun ugaling ang nakahimo sa sesyon dili usa ka natahasan nga eksorsista ginadili ang pagpangutana sa demonyo og bisan unsang mga pangutana sanglit kini, kuyaw kaayo.-- Sumpayan pa