ROTC ibalik?

Sa makausa pa, mipahibawo si Kongresista Eddie “Eddiegul” Gullas sa hugtanon niyang sugyot nga ibalik ang ROTC kon Reserve Officers Training Corps sa kolehiyo.

* * *

Dugay na kong nakadungog ni sir Eddiegul nga gusto niyang ibalik ang ROTC ubos sa daghang mga positibong hinungdan. Ang labing mahinungdanon niini mao ang disiplina nga madebelop sa kinaiya sa atong mga lalaking estudyante.

* * *

Kining disiplina klaro ug sigurado nga maangkon sa mga estudyante nga mikuha sa kurso nga ROTC tungod kay mao man ang unang tumong ug tinguha niining maong kurso.

* * *

Daghang mga estudyante karon ang mipakita sa ilang oposisyon sa plano pagpabalik sa ROTC tungod kay kuno sagabal sa ilang non-military related studies apan baya kaniadto daghang estudyante ang nakagusto sa maong kurso ug daghan kanila ang nahimong regular nga mga opisyal sa Armed Forces.

* * *

Daghang mga 20 anyos nga lalaki kaniadto ang gustong ma-enlisted sa ROTC aron makalikay sa cadre training nga duha ka buwan diin gipatuman kini sa balaud.

* * *

TRIVIA.  Happy Easter kon Malipayong Pasko sa Pagkabanhaw sa atong mga magbabasa diha sa Carbon, Freedom Park ug Taboan. Salamat sa nagpadayon ninyong suporta sa atong Banat News.