Mga kausaban

Subo palandongon ang nahitabo ni Kristel Tejada, ang 16- anyos nga estudyante sa UP-Manila gumikan sa kapakyasan sa pagbayad sa iyang tuition. Ug tungod niini napugos sa paghunos sa iyang kinabuhi.

* * *

Ang kamatayon ni Kristel nasayran na sa tanan gumikan sa halapad nga publisidad nga gihatag niini sa tanang media outfit -- pamantalaan, telebisyon, radyo ug uban pa.

* * *

Ang wala pa kaayo hibaw-i sa kadaghanan mao nga ang subo nga nahitabo kang Kristel mibunga og kalambuan nga mihatag og dakong kausaban sa palisiya kon patakaran sa kagamhanan kalabot sa edukasyon, partikular na sa state colleges and universities.

* * *

Ug gibalita usab nga ang Social Security System kon SSS mialukar kon migahin og P7 bilyones alang sa SSS Educational Program nga gipadagan sa maong ahensiya sa tibuok nasud.

* * *

Unya gibalita usab nga 100 ka mga lawmakers kon magbabalaud nga nigradwar sa UP milusad og P100 million educational fund assistance program alang sa mga kabus nga estudyante sa UP.

* * *

Atong nabasahan sa Philippine Star nga ang atong mga senador kanunay mohatag og minilyon sa UP gikan sa ilang Pork Barrel pero tingali kuwang ra kay nganong gipugos man og pabayad sa iyang tuition si Kristel Tejada. Ug gipa-leave of absence pa siya dihang wa gyud siya’y ikabayad.

* * *

TRIVIA. Salamat  ni anilo Laluna diha sa Pardo ning siyudad sa iyang pagpahibawo ngari kanato nga daghan sa iyang silingan nagbasahan og Banat News. Thanks Danilo.